Balša Brković - NACIONALISTI MRZE SADAŠNJOST

Svaki nacionalista ovoga svijeta mrzi sadašnjost. U kosmosu nacionalista jedina dva važna vremena su - prošlost i budućnost, a oba nepostojeća. Kako lijepo objašnjava Amos Oz u romanu “Crna kutija”, takvi ljudi vide prošlost jer se tamo nalazi “raskošna” (i naravno falsifikovana) slava i sjaj “našeg naroda”, i budućnost, jer ona služi za obmanu o obnovi “stare slave”, koja nas čeka, tamo negdje u budućnosti, “kad konačno pobijedimo”. Jednako kao prošlost i ta je (projektovana) budućnost nepostojeća. Obje služe samo da bi se ponizila sadašnjost, jedino stvarno postojeće vrijeme. Ali, koje od vas traži suočenje sa sobom. Zato nacionalisti panično bježe iz sadašnjosti, jer nju ne mogu falsifikovati.