Dalaj Lama – PRVI KORAK U TRAGANJU ZA SREĆOM

Prvi korak u traganju za srećom jeste učenje. Moramo prvo naučiti da su negativne emocije i postupci štetni za nas, a da nam pozitivne emocije pomažu. Isto tako, moramo razumjeti da te negativne emocije nijesu jako loše i štetne samo za nas lično, već ugrožavaju društvo i budućnost ovog svijeta u cjelini. Ta vrsta razumijevanja povećava našu odlučnost da se sa njima suočimo i prevaziđemo ih.

Tu je, zatim, razumijevanje blagotvornih uticaja pozitivnih emocija i ponašanja. Kada jednom sve to shvatimo, čvrsto odlučujemo da cijenimo, razvijamo i umnožavamo te pozitivne emocije, bez obzira koliko to bilo teško. U nama se javlja jedna vrsta spontane spremnosti. 

Dakle, kroz jedan takav proces učenja, analiziranja koje misli i emocije jesu korisni, a koji štete, postepeno razvijamo u sebi odluku da promijenimo te emocije. “I sada je tajna moje sreće, čitavog moga života, u mojim rukama. Ne smijem ni na koji način propustiti tu priliku”.